كيكة بالكاكاو و هنريس غزالة

كيكة بالكاكاو و هنريس غزالة

كيكة بالكاكاو و هنريس غزالة


كتجي فنة و لديدة و معلكة و متشبعوش منها 
اوا قولولي باراكا من الشكير و دخلي فالمعقول ههههه

نبداو على بركة الله 
كيكة بالكاكاو و هنريس غزالة


كنحتاجو ل . 4بيضات . ك ع حليب . ك ع معمرش زيت . ك ع معامرش سنيدة . 2 خمارات د 7غ . فاني . 2 م ك كاكاو . 2 بكيات ديال بسكوي هنريس كل وحدة كتوزن 85غ 

و لبحالي متغربة و مجابتش معاها هنريس تقدر تعوضو باي بسكوي متوفر عندها 

بحال هادا كيجي مزيان بالنسبة لبنات لكيعيشو فايطاليا 


نخليكم مع الصور توضح ليكم الطريقة 



كنعملو البيض و السكرو الزيت و الحليب و الفاني و نطحنو مزيان حتي يتخلطو 

كيكة بالكاكاو و هنريس غزالة


من بعد نضيف الكاكاو و البسكوي و الخميرة و نخلط كلشي 


كيكة بالكاكاو و هنريس غزالة






نصبو الخليط فمول مدهون بالزبدة و مرشوش بالدقيق و ندخلو الكيك ديالنا للفرن حتى يطيب 



ها هو مني طاب دموليتو و كل وحدة تعمرو باش بغات انا درت كريم باتسيير و خلطت معاها واحد دانيت بنكهة الكراميل و عمرت بيه ديك الحفيرة 
و زوقت بخطوط من الشكولا و دخلت االكيكة للثلاجة حتى بردات 







بالصحة و الراحة حبيباتي 
امانة عليكم لدخلات و عجباتها الوصفة تدعي معايا شي دعيوة د الخير 
في امان الله