كاتاخذي مطيشة القياس ديالك و تقسميها على 2 وتحيدي الزريعة فشي طويسة حيت حاجتنا بديك الما ديالها.
تحطي مطيشة هاكاك في الكوكوت
تزيدي عليها بصلة صحيحة منقية
تزيدي حزيمة ديال البيع مخلط
تزيدي حبة ديال خيزو صحيحة
حبة ديال بطاطا صحيحة
الحمص
العطرية الل موالفة ديري في الحريرة
ديري قياسك ديال الماء وسدي عليها طيب.
منين طيب حيدي هاديك الخضر كاملة مع الربيع خليها تبرد شوية وطحنيها ورديها الكوكوت مع شوية ديال مطيشة الحك.
وها حريرتك واجدة.
بطاطا وخيزو كايعوضو التدويرة ديال الطحين.
نتمنى تجربوها راها ساهلة و زوينة وعتى اذا بقات في الثلاجة ماكاتجمدش بحال اللي مدورة بالطحين.
