غريبة معلكة بالكاوكاو والكوك ساهلة ولذيذة

البنات وعواشركم مبروكة باش تمنيتو ان شاء الله. 
هادي غريبة تتجي فننننة ولي ذاقها عندي كيطلب مقاديرها نتمنى تجربوها وتعجبكم 



بسم الله 

مقادير 
غريبة معلكة بالكاوكاو والكوك ساهلة ولذيذة

500غ كاوكاو مصهد فالفران بقشورو ومطحون (ماشي محمر) 
500غ كوك مطحون
400غ سنيدة
3 معالق كبار كاكاو المهم على حسب اللون لي بغيتي
2 خمارات
3 الى 4 بيضات
ماء الزهر
سكر كلاصي سبيسيال للتفناد


طريقة 
غريبة معلكة بالكاوكاو والكوك ساهلة ولذيذة



كتخلطي جميع المقادير



و تجمعي بالبيض



كدهني يديك بماء زهر و تعملي كويرات وتفنديهم في سكر كلاصي لي مخلط معاه شوية خميرة الحلوى



يكون الفران سخون شوية وشعلي غير الفوق على نار مهيلة حتا تشقق مزيان عاد شعلي التحت شي 2 دقايق 
المهم على حساب فرانكم ومكتفوتش 15 دقيقة فالطياب
ردو البال طلقو عليها الفران ويتحمر ليكم السكر 
كيولي مقرمش المهم متخليوهاش بزاف



ملي طيب خليها فالطاوة حتا تبرد مزيان عاد حيدوها





ان شاء الله تجربوها وتعجبكم ومتنساونيش بالدعاء 
والى وصفة جديدة

 
Top
//