بيتزا السائلة و السريعة و اللذيذة
هادي البيتزا السائلة اللي ملي جربتها للعشاء البارح و انا نقرر باي باي للبيتزا العادية بموافقة افراد اسرتي هههههههههه
مقاديرها ساهلة
4 بيضات
كاس حليب
كاس طحين
اقل من نصف كاس زيت
ملح
2 ملاعق كبار سنيدة
2 ملاعق صغار خميرة الخبز
1 خمارة حمراء
نصف ملعقة زعتر مطحون
الطريقة
كندهنو المول بالزيت و نوضعو فيه 5 فرماج المثلثات مقطع صغير
كانخلطو المقادير السابقة فالخلاط و نصبوها على الفرماج
كانحضرو لاصوص ديال ماطيشة اللي موالفين نديرو فالبيتزا و نوزعوها على الخليط
يمكن ليكم تستعملو اي نوع لحوم بغيتو كفتة او دجاج او سمك انا درت الطون فرتتو من الفوق و دخلتها للفرن
ملي تطيب رشو عليها الفرماج محكوك و دخلوها تتحمر
انا ماكنش عندي الفرماج درت غير البيض مطرب مع الملح م الكمون و الابزار و خويتو من الفوق
غير جربوها راه ماغاديش تندمو عليها كاتجي رطبة و لذيذة
