نصف دجاجة
نصف كيلو روز كلاصي
2 بصلات
4 ضروس ثوم
معدنوس
ملح ، إبزار ،سكين جبير ،قرفة ،خرقوم بلدي ،سمن ،أعواد قرفة
2 مطيشات
2 دنجلات
زيت
طريقة سفة الارز طبقات:
كنناخدو الدجاج كنديرو ليه العطرية والربيع والثوم المدقوق ثم البصل مشلظ و الزيت وكنشحروه مزيان ثم كنضيفو ليه جهد نصف كأس ديال الماء ونخليوه إيطيب على نار مهيلة
ملي كيطيب الدجاج ديالنا ويتشحر مزيان كنزولوه من المرق وكنحيدو ليه العضم ونقطعوه .
ثم كناخدو الخضر ديالنا نقطعوها دوائر وندهنوها بشوية زيت الزيتون ونرشوها بشوية الملح وندخلوها للفران تطيب.
ثم كناخدو الروز كنصلقوه نصف صلقة نصفوه ونحلوه بشوية الزبدة ثم نعملوه في الكسكاس يكمل طيابو.
ملي كيطيب الروز كنبردوه شوية وكنديرو ليه شوية الزبدة وشوية السكر كلاصي للي كيعجبو المزج مابين الحلو والمالح بحالي هههه وتقدرو تستغناو على السكر وتخلوها مالحة
ثم كناخدو الدنجال كنستفوه في الكسكاس ومن الجناب
وكنضيفو فوقه نصف كمية الروز تم شوية المرق ومن بعد قطع الدجاج
ثم قطع الطماطم ومن فوقها الروز المتبقي والقليل من المرق
وفي الأخير كنديرو شرائح الدنجال المتبقية من الفوق وكنرجعوه يسخن في الكسكاس وهاهو عشانا واجد كنزينوه بشوية اللوز مقلي
كنتمنى تعجبكم هاد الوصفة وتجربوها لأنها فعلا كتجي رآآآآائعة
سفة الارز طبقات
