سلطة راقية ومتنوعة
سلطة راقية ومتنوعة
أول حاجة خديت البطاطا قطعتها طراف وصلقتها فشوية الملحة ودرت لها شوية القزبر والمعدنوس وشوية الكامون والبزار وزيت البلدية
وخديت القوق درتو يتسلق حتى هو فشوية الملحة بالحق فالكوكوط حيت كياخد شوية الوقت ومنين تسلق قسمتو على جوج وخويتو شوية من الشعيرات لي فيه باش يصلاح ليا نعمروا
وبالنسبة للعمارة ديالو درت فيها غير الفرماج متلت والسوريمي مع شوية القزبر والمعدنوس بحال هاد الشكل ومنين نبغي نديرو فطبسيل التقديم ندير فوقوا شوية الفرماج محكوك
كنصلق الباربا واللوبيا الخضرة وندير لهم نفس التوبيل لي متكونين من القزبر والمعدنوس و2 فصوص توم محكوكين وشوية الملحة وأبزار وزيت بلدية والخل
كنخد الجزر كنصلقو بالحق بالقلب ديالو كيعطي منضر زوين وحتى هو ونضيف ليه نفس التوابل لي متكونين من القزبر والمعدنوس و2 فصوص توم محكوكين وشوية الملحة وأبزار وزيت بلدية والخل ولمكور لي فيه هاد جوج ألوان كنقطعو صغير ونخلطو بالمايونيز
كنغسل الخص ونخليه ينشف ونسلق البروكلي فشوية الملحة ونشرملو حتى هو فشوية الشرمولة لي درت للخضر ونغسل الفجل ونخليه باش نزين بيه
وخديت شومبينيو معلب درتو ف مقيلة فيها شوية الزيت البلدية والقزبر والمعدنوس وشوية الملحة والإبزار وخليتو يتشحر مزيان وخديت الصوجا معلبة حتى هي كيجي المداق ديالها زوين وعاد الفوائد ديالها خليتها تسقطر من لماء ديالها ومعاهم الدرة معلبة
وخديت روز كلاصي ديال السلطات صلقتو وزدت عليه المايونيز والطون والدرة
بالنسبة للتزين ستعملت بيض السمان والسوريمي وطماطم صغيرة وفرماج سندويش والسلمون مدخن
أما طريقة المونتاج فالصور تشرح لكم أكتر وخا لأسف الطبسيل عندي ما كبيرش هاد سلاد كتبغي صحن تقديم كبير كبير حيت فيها مكونات كتار وديك ساعة كيبقى لكل وحدة تدير الديكور لي يعجبها المهم كتجي متنوعة وفيها ألوان كتيرة ومداق غزال
سلطة راقية ومتنوعة
أول حاجة خديت البطاطا قطعتها طراف وصلقتها فشوية الملحة ودرت لها شوية القزبر والمعدنوس وشوية الكامون والبزار وزيت البلدية
وخديت القوق درتو يتسلق حتى هو فشوية الملحة بالحق فالكوكوط حيت كياخد شوية الوقت ومنين تسلق قسمتو على جوج وخويتو شوية من الشعيرات لي فيه باش يصلاح ليا نعمروا
وبالنسبة للعمارة ديالو درت فيها غير الفرماج متلت والسوريمي مع شوية القزبر والمعدنوس بحال هاد الشكل ومنين نبغي نديرو فطبسيل التقديم ندير فوقوا شوية الفرماج محكوك
كنصلق الباربا واللوبيا الخضرة وندير لهم نفس التوبيل لي متكونين من القزبر والمعدنوس و2 فصوص توم محكوكين وشوية الملحة وأبزار وزيت بلدية والخل
كنخد الجزر كنصلقو بالحق بالقلب ديالو كيعطي منضر زوين وحتى هو ونضيف ليه نفس التوابل لي متكونين من القزبر والمعدنوس و2 فصوص توم محكوكين وشوية الملحة وأبزار وزيت بلدية والخل ولمكور لي فيه هاد جوج ألوان كنقطعو صغير ونخلطو بالمايونيز
كنغسل الخص ونخليه ينشف ونسلق البروكلي فشوية الملحة ونشرملو حتى هو فشوية الشرمولة لي درت للخضر ونغسل الفجل ونخليه باش نزين بيه
وخديت شومبينيو معلب درتو ف مقيلة فيها شوية الزيت البلدية والقزبر والمعدنوس وشوية الملحة والإبزار وخليتو يتشحر مزيان وخديت الصوجا معلبة حتى هي كيجي المداق ديالها زوين وعاد الفوائد ديالها خليتها تسقطر من لماء ديالها ومعاهم الدرة معلبة
وخديت روز كلاصي ديال السلطات صلقتو وزدت عليه المايونيز والطون والدرة
بالنسبة للتزين ستعملت بيض السمان والسوريمي وطماطم صغيرة وفرماج سندويش والسلمون مدخن
أما طريقة المونتاج فالصور تشرح لكم أكتر وخا لأسف الطبسيل عندي ما كبيرش هاد سلاد كتبغي صحن تقديم كبير كبير حيت فيها مكونات كتار وديك ساعة كيبقى لكل وحدة تدير الديكور لي يعجبها المهم كتجي متنوعة وفيها ألوان كتيرة ومداق غزال