سمك سردين فالفرن و بمذاق الفاخر
سمك سردين فالفرن و بمذاق الفاخر
ليوم حبيت نقدم ليكم وصفة السردين مشوي بنكهة الفاخر وبشرمولة مغايرة تماما على اللي مولفين, كان سبقلي حطيتها لكن بدون صور.
كانت هاد الوصفة خداتها امي من عند بائع سمك, وجربناها وصدقات غزالة ومبقيتش نستغنا عليها حتى منين جيت لداري, هو في الأصل يشوى على الفاخر, لكن هنا غنطيبوه في الفرن او في الشواية الكهربائية اللي تحبولتفادي الروينة ههه, وفي الأخير غضيفو عليه نسمة الفاخر فاش يسالي طيابو, تابعو معي.
مقادير سمك سردين فالفرن و بمذاق الفاخر:
*كمية من السردين يكون جديد ويلمع بحال النقرة ههه
* كمون
*ملح
*زيت زيتون
*بصل
طريقة سمك سردين فالفرن و بمذاق الفاخر:
اولا نغسلو مزيان السردين ونزلو ليه السنسول والشوك نسقطروه مزيان مزيان
نحكو البصيلة فالحكاكة الرقيقة بحال اللي فالصورة, نضيف ليها الملح والكامون ونخلطو مزيان ثم نضيف زيت الزيتون, وهاهي الشرمولة واجدة, نشرملو السردين ديالنا وحدة فوق وحدة ونخليوهم ساعة على الأقل عاد نطيبوهم.
الى غطيبيهم فالشواية , دهنيهم بالزيت البلدية ودهني الشواية كذلك وفاش يطيبو تكوني مشعلة طريف ديال الفاخر على البوطة, حطيه فطبيسيل صغير وكبي عليه الزيت وبسرعة سدي عليهم باحكام وخليهم 15د ياخدو نسمة الفاخر.
الى غنطيبوهم في الفرن, ندهنو مزيان اللاطة بالزيت البلدية, نحطو السمك ديالنا, ونكبو شوية الزيت البلدية فيدينا ونوزعوها على سطح السمك باش يتدهن مزيان, ندخلوه للفرن, لما يطيب نعملو ليه الفاخرة كيف سبقلي وشرحت, قدمي السمك ديالك مع سلطة خضراء وتكتوكة او زعلوك وبالصحة والراحة.
طياب الشواية
نتمنا تجربو هاد الوصفة كتجي رائعة بزاف
بصحتكم وراحتكم
سمك سردين فالفرن و بمذاق الفاخر
ليوم حبيت نقدم ليكم وصفة السردين مشوي بنكهة الفاخر وبشرمولة مغايرة تماما على اللي مولفين, كان سبقلي حطيتها لكن بدون صور.
كانت هاد الوصفة خداتها امي من عند بائع سمك, وجربناها وصدقات غزالة ومبقيتش نستغنا عليها حتى منين جيت لداري, هو في الأصل يشوى على الفاخر, لكن هنا غنطيبوه في الفرن او في الشواية الكهربائية اللي تحبولتفادي الروينة ههه, وفي الأخير غضيفو عليه نسمة الفاخر فاش يسالي طيابو, تابعو معي.
مقادير سمك سردين فالفرن و بمذاق الفاخر:
*كمية من السردين يكون جديد ويلمع بحال النقرة ههه
* كمون
*ملح
*زيت زيتون
*بصل
طريقة سمك سردين فالفرن و بمذاق الفاخر:
اولا نغسلو مزيان السردين ونزلو ليه السنسول والشوك نسقطروه مزيان مزيان
نحكو البصيلة فالحكاكة الرقيقة بحال اللي فالصورة, نضيف ليها الملح والكامون ونخلطو مزيان ثم نضيف زيت الزيتون, وهاهي الشرمولة واجدة, نشرملو السردين ديالنا وحدة فوق وحدة ونخليوهم ساعة على الأقل عاد نطيبوهم.
الى غطيبيهم فالشواية , دهنيهم بالزيت البلدية ودهني الشواية كذلك وفاش يطيبو تكوني مشعلة طريف ديال الفاخر على البوطة, حطيه فطبيسيل صغير وكبي عليه الزيت وبسرعة سدي عليهم باحكام وخليهم 15د ياخدو نسمة الفاخر.
الى غنطيبوهم في الفرن, ندهنو مزيان اللاطة بالزيت البلدية, نحطو السمك ديالنا, ونكبو شوية الزيت البلدية فيدينا ونوزعوها على سطح السمك باش يتدهن مزيان, ندخلوه للفرن, لما يطيب نعملو ليه الفاخرة كيف سبقلي وشرحت, قدمي السمك ديالك مع سلطة خضراء وتكتوكة او زعلوك وبالصحة والراحة.
طياب الشواية
نتمنا تجربو هاد الوصفة كتجي رائعة بزاف
بصحتكم وراحتكم
