كنتمنى تعجبكم الطارط ديالي وتجربوها .
راها كتجي رائعة فالمنظر و فالمداق.
و الأهم أنها كتحمر ليك وجهك قدام الضياف.
نبداو على بركة الله المقادير.
1 بيضة
½ كاس عنبة سنيدة
½ كاس عنبة حليب
¼ كاس عنبة زيت
1 كاس عنبة دقيق
2 معالق كبار بودرة الكاكاو
1ساشي خميرة
المول خاصو يكون كيتحل
طربي البيضة مع السكر , ثم ضيفي الحليب و الزيت والكاكاو.
غربلي الدقيق مع الخميرة و ضيفيهم للخليط.
طيبي الجنواز في فرن مسخن على درجة 180.
بعدما تطيب الجنواز وتبرد خليها فالمول الي كيتحل و حضريالكريمة.
6 قطع بسكوي الاوريو
1 كاس كبير قشدة طرية
4 ساشيات من بودرة الكريم شانتيي.
1 علبة صغيرة حليب مركز{ ماشي المحلى}
1 علبة صغيرة حليب مركز{ ماشي المحلى}
6 كيري
طربي كيري مع القشدة الطرية, ثم ضيفي الحليب المركز , ثم ساشيات الكريمشانتيي .
و في الأخير بسكوي الاوريو .
كبي خليط الكريمة فوق الكيك و دخليها تبرد 4 ساعات ومن الاحسن ليلة كاملة
للتزيين :
قطع الاوريو
كريمة مخفوقة او شوكولا دائبة {حسب الدوق}
بعدما تبرد التورتة مزيان زينيها كيف بغيتي و قدميهاباردة ديسير.
و بالصحة و الراحة
