كيكة عادية ولكن عجيبة

كيكة عادية ولكن عجيبة
 
كيكة عادية ولكن عجيبة
 
المقادير
4 البيضات
3الخمارات
فاني
كاس ع زيت
كاس ونص ع سنيدة
كاس ع حليب
دانون فريز او بنان او لي حبيتو
عصير نص حامضة+م ك خل
3 ك ع طحين مغربل مع الخمارات
للتزيين
كونفتور
الطريقة
ساهلة بحال اي كيك نخلطو السوائل وعاد النواشف ندهنو المول ونغبروه بالطحين ونخويو الخليط ويني هنا غادي نقصو شوي منو فميكة تقريبا كاس عنبة او كتر شوي انا كندير عيني ميزاني ولكن واحد المرة كترت وشاط ليا درت بيه 2 كاب كيك ومرة نقصت ومكملاتش ليا الزواقة وديبانيت بخليط كيكة خرى كنت كنوجد فيها
المهم ها الصور عاد غادي تفهموني



الخليط لي نقصنا ضروري نديروه لفوق فالتلاجة باش ميسيحش



كنطيبو لكيكة ديالنا عادي من الفوق ولتحت ومباشرة ملي نخرجوها ندهنوها بالكونفتور ونزوقوها بالزربة بالخليط لي حتافضنا بيه فلاول نتقبو الميكة ونعملو خطوط ونرجعوها طيب غي من الفوق



مهم جدا فهاد المرحلة نخفو يدينا ونزربو شوي فالزواق باش ميسيحش الخليط حنت الكيكة سخونة انا ملي كنحس بيها قربات طيب كنديرو فلفريكو علاما خرجتها عاد نزوقب بيه















بالنسبة للكونفتور عندي ديال الدار ديال المندرين ويني كنطحنو ونزيد عليه ملون حمر ولاروم دالفريز وشوي سنيدة ونطبخو تيجي مداقو زوين معاها هو لي كندير حتى فصابلي دكشي باش قلت ليكم ديرو دانون فريز فلكيكة





مرة اخرى قلت نديرها وندير موديفيكاسيون فالديكور ودهنتها بلكونفتور عادي ورشيتها بلكاكاو حتى هي جات زوينة ويني عجباتني لي بالحمر ههه.نتمنى تصوتو ليا على لي عجباتكم واش الكحلة ولا الحمرة

















كيف قلت ليكم كتجي كبيرة وعائلية لي بغات دير مول صغير دير غي 3 البيضات ودانون بلا حليب يعني لكيكة العادية وصافي