ميني بيتزا بالطون و الكاشير ولا اسهل

ميني بيتزا بالطون و الكاشير ولا اسهل

ميني بيتزا بالطون و الكاشير ولا اسهل


ميني بيتزا بالطون و الكاشير ولا اسهل
اليوم جبت لكم بتزات صغار بالطون والكاشير كيجيو لداد نتمنى يعجبوكم 

نبداو بالعجين على فكرة كتجي رطبة ولديييدة بالرغم انها بسييييطة الى تبعتو المراحل..

نص كيلو فورص نوع جيد
مع معلقة سنيدة 
وشوي زعتر يابس 

نخلطو الكل بعضهم ونزيدو عليهم

4 معالق كباار زيت الزيتون 

ونخلطو باطراف الاصابع حتى يدخل الزيت كلو فالعجين 
ونزيدو نصف معلقة خميرة الخبر 

ونبداو ندلكو العجين ونضيفو الماء ومكتروش المهم تدلك مزياااااان حتى تضهر لنا فقاعات فالعجين
واخر حاجة نضيفو الملح ملعقة صعيرة وندلكو شوية
واخر مرحلة ..
فشي بواطة كبيرة ديري فقلبها زيت الزيتون وحطي العجينة وكبي فوق منها الزيت تاني على هاد الشكل..



نغطيو العجين ببلاستيكة ومنديل ونخليوها تخمر حتى يتضاعف حجمها بحال هكا..



نبداو نبسطوها على طاولة مرشوشة بالدقيقة ونسرحوها بالدلاك ونقطعو الدوائر انا قطعتهوم بالقطاعة ديال الحرشة

ونستفوهم فطاوة مدهونة ونتكوهم بفورشيط ونبداو نحشيوهم..

كل واحدة والحشوة لي كيفضل انا ختاريت الحشوة ديال الطون والكاشير



الطون 
الكاشير
البصلة مشحرة فشوي ديال الزيت زيتون والملح وابزار
الزيتون مقطع دوائر
لصوص الخاصة بالبيتزا 
والفروماج الاحمر

ونبداو نحشيو البيتزات ديالنا اول حاجة الصوص والبصلة من بعد الطون والكاشير تم الزيتون 




وندخلو الطاوات للفرن وتكون العافية مجهدة شوي 

حتى يتحمرو من التحت ونحسو بهم طابو عاد باش نحكو لفروماج ونردوهم للفرن تواني فقط غير باش يدوب صاف

وهاد الشكل ديالهم ملي خرجو من الفرن



بالصحة والراحة حبيباتي راه كتجي لديييدة بزاااف ومتشبعوش منها..





في امان الله