كيك ماجيك من وصفات ميد راديو

اليوم جبت ليكم هد الكيك العجيب فعلا وماجيك نيت فيه شي سحر عجيب ههههههههههههههههههه
جربتو وجا غزال وواحد المداق رائع رائع يممممممممممممممممممممممم وهي كيتقدم كديسير او في العشييات يا سلام
المقادير والطريقة بالصور ان شاء الله

4 بيضات
150g سنيدة
125g زبدة مدوبة
115g دقيق
ملعقة ماء
2ملعقة عصير حامض
نصف لتر حليب
فاني
ملح


يطرب أصفر بيض+سنيدة+الماء حتى الحصول على كريما ثم نضيف الزبدة +الحليب +فاني + م عصير الحامض ونحتافضو بوحدة غنطربوها مع ابيض البيض +الطحين ثم أبيض البيض مطرب مع الحامض يخلط الكل وتعمل في مول مدهون بالزبدة ومغلف بالبي سيلفيريزي وإلى الفرن انا عملتها في فرن بارد وشدات لي 60 دقيقة ساعة يعني كتكون واجدة
حين تطيب تترك 6 ساعات في الثلاجة على الاقل انا عملتها بالليل والصباح عاد قطعتهاليكم باش تشوفوها
نتمنى تعجبكم كيف ما حمقاتني انا بالفعل
وغتلاحظو مني كتطيب كيوليو 3 الطبقات من عند الله هههههههههههههههه داكشي علاشيسماوها كيك ماجيك لانها كتعزل بوحدها في الفرن
مني تخلطوها العجينة كتكون جارية متخافوش غير تدخل الفرن وهي كتقاد راسها
ايوا ماشي كيك ماجيك هدا
على فكرة هد الكيك مكيجيش منفوخ 





 
Top
//