الصفحة الرئيسية » اكلات في دقائق » فطائر بالبانيني مع الحشوة لذيذة

فطائر بالبانيني مع الحشوة لذيذة

اليوم غادي نحضرو فطائر بالبانيني, نعم عاديك الالو اللي كنسخنو فيها اليوم غادي نطيبو فيها الفطائر ديانا من نهار جربتها ولات معتمدة عندي مكتخطانيش اليوم انا عمرتها بكفتة السردين منطولش عليكم نخليكم مع الصور والشرح

فطائر بالبانيني مع الحشوة لذيذة

المقادير
400 غ فرينة
100 غ سميدة
ملح
ملعقة سنيدة انا درت 2
فاني
خمارة معجونة حسب الجو
بيضة
30 غرام زبدة
ماء دافئ هزتلي لعجينة كاس ونصف ماء

فطائر بالبانيني مع الحشوة لذيذة
الطريقة توضحها الصور انشاء الله
خلطي النواشف كلها ما عدا الزبدة تبقا حتى للاخير زيدي الماء وجمعي عجينتك ودلكيها شوية وزيدي الزبدة ودلكيها مزيان خليها تخمر في مكان دافئ حتى تتضاعف
من بعد قسمي العجينة الى كويرات انا خرجو ليا 9 ديال الكرات
كرصيهم وخليهم حتى يتضاعف الحجم ديالهم ..وقليهم في زيت ساخن والنار مهيلة دغيا يحمارو
خليهم يبردو شوية وخمسيهم في سنيدة او رشيهم بعسل او اختاري التزيين لي بغيتي انتي وخاطرك طبعا
تابعن مع المراحل

من بعد ما خمرو درتهم فىلة البانيني باش يتحمرو كيف فالصورة

وهنا كيساليت الفطائر ديالي كاملين

فطائر بالبانيني مع الحشوة لذيذة

الحشوة عبارة على كفتة ديال السردين نضيفو ليها شرمولة لي هي معلقة صغيرة ملح.معلقة صغيرة تحميرة،معلقة صغيرة ونص كامون،شوية هريسة،القليل من زيت الزيتون،عصير حامضة صغيرة،قزبر ومعدنوس نخلط هاد المكونات مزيان حتى تتجانس ونضيفها للكفة ديالي ونزيد 3 معاق كبار شبلور ونخلط الكل ونعمل منها كويرات نقليها فالزيت وهاهي واجدة

نمرو دابا للفصل النهائي ههههههه
كنحتاجو جزر محكوك-فرماج احمر محكوك-شرائح بصل-دوائر من الطماطم-زيتون مقطع-جبن سائل او مايونيز

كندهن الفطائر ديالي بالجبن السائل

وكنوضع فيها كفتة السردين ثم دائرة الطماطم ثم شرائح البصل ثم الجزر المحكوك ثم الفرماج المحكوك واخيرا زيتون مقطع
ونقدموها بالصحة والعافية

فطائر بالبانيني مع الحشوة لذيذة

كنتمنى تجربوها وتقدرو تغيرو فمكونات الحشوة بحال فهاد الصور انا كنت استعملت كفتة ديال الغنمي منسمة بالقرفة والزعتر جات غزااالة