فطائر بشكل جديد ومدآق لآيقاوم

وصفة اليوم هي عبارة عن فطائر غاية في آلمنضر وروعة فالمدآق مغنزيدش نشكر فيهم حت تجربوهم وتحكموآ هههه وكدلك يليقوآ لوجبة آلعشآء مع شربة خضر وهآنتي محلقة على لمصيريف ومشبعة آلبشآآآآر هههههه
سآهلة جدآ ومتتاخدش وقت طويل وحت لمقادير بسيطة إذن بلآ منكثر قوة لفهآمآت ندوز للمعقول هههههه


مقادير آلعجين
500 غ طحين فورص
خمآرة حلوة
خميرة خبز
معلقة كبيرة سنيدة
3 معالق كبار حليب غبرة
4 معالق كبار زيت
ملح مآء دآفئ
نجمع جميع لمكونآت تكون عجين مرخوف شوية ندلكهآ ونعمل منهآ كويرات نغطيهآ ببلآستيك غدائي نخليهآ حت يضآعف حجمها عاد نستعملهآ



مقادير آلحشوة
صدر دجاج أو بيبي مقطع قطع ضغيرة
2 بصلآت صغا ر مشلظين
ملح إبزآر كوزة محكوكة
كأس حليب كبير
2 معالق كبار ميزينة مدوبة فشوية آلمآء


للتزين
معدنوس مكرض
فرمآج محكوك
زيتون


نشحر آلبصلة مع زويتة بلدية نملح ونبزر ونزيد قطع آلدجاج أو بيبي
ملي يتشحروآ ويطيب آلدجاج نزيد لحليب ولميزينآ ونحرك غادي تصبح عندك صوص بيضة وخاترة نطفي عليهم ونحك لكوزة ونخلط وملي تبرد نرش آلربيع لي وجدت من قبل



ندوز دابا للتعمآر
نآخد كويرة نسرحهآ بالمدلك نقطع دوآئر ميكونوش غلآض
نخليكم مع آلصور هي تفهمكم كل شي





ندهنوهم بلحليب وشوية نسكآفي نرش شوية آلحبة آلسودآء أو زنجلآن وندخلوهم للفرن


هآهمآ وجدوآ بالصحة وآلرآحة




 
Top
//